Interest rate kaise nikale? jab interest, principle aur time diya ho

Saturday, July 14, 2018
Interest rate matlab, byaaj ki dar (ब्याज की दर) kaise nikale? Jab interest, principal aur time diya ho. Hello friend !! Simple interest aur principal kaise calculate karte hai? Matlab Ye dono ko kaise nikalte hai? Ye sab hum aapne last part me sikh chuke hai. Agar aap abhi tak nahi sikhe aur aap bhi inn dono ko sikhana chahte hai to iss topic ke end me humne link diya hai. Aap waha se sikh sakte hai.
Aaj hum aapko sikhayenge ki, jab saadharan byaaj, muldhan aur samay diya ho to varshik byaaj ki dar kaise nikalte hai ?
Varshik byaaj ki dar ko kaise calculate ya nikalte hai ?


Ye jaanane se pahle hum thoda ye jaan lete hai ki ye hota kya hai ?

Interest rate kaise nikale? Jab interest, principal aur time diya ho.

 Interest rate kya hota hai ?
Interest rate ko hindi me byaaj ki dar (ब्याज की दर ) kahte hai. Generally interest rate, varshik ( annual ) hota hai.
Jab hum kisi bank me kuch rupaye jama karte hai to iss jama kiye rupaye ko hum muldhan kahte hai aur per ₹100 muldhan par per year di jaane waali extra rupaye ko byaaj ki dar (Rate of interest) kahte hai. Matlab jab hum bank se apne rupaye nikalne jaayenge tab bank hume muldhan ke alawa kuch rupaye adhik dega. Ye adhik rupaye muldhan par ek fixed rate se diya jata hai.
Ab baat aati hai ki , issko calculate kaise karte hai? Issko calculate karne ke liye hum sabse pahle interest rate calculate karne ka formula banayene . Aayiye issko bhi sikhh lete hai.

 Interest Rate nikalane ka formula :

Interest Rate ka formula ko hum simple interest formula ki help se nikal sakte hai. Jiss prakar se last part me humne principal calculate karne ka formula banaya tha. Ussi prakar se hum interest rate ka bhi formula step-by-step banayenge.

 Step-1. Sabse pahle hum simple interest means saadharan byaaj ka formula lenge. Jo iss prakar se niche diya gaya hai:

Simple Interest =   principal×Rate×time  
                                               100

 Step-2. Ab uppar diye formula me cross (×) multiply karna hai.
Matlab L.H.S ke "ansh" ka multiply R.H.S. ke "har" se phir "equal to" likhna hai uske baad R.H.S ke "ansh" ka multiply L.H.S. ke "har" se karna hai.
Hum simple interest ko "interest" likh rahe hai.
interest×100 = principal×Rate×time 

 Step-3. Ab Hume "Rate" ka formula banana hai isliye hum R.H.S. se principal×time ko L.H.S me laayenge. Aap dekh sakte hai ki, principal×time , Rate ke saath multiply kiya hai. Islye jab isko L.H.S me laayenge tab ye interest×100 se divide kar lega.

Rate =     interest×100    
              principal×time

Yahi interest Rate nikalane ka formula hai. Issi formula se hum byaaj ki dar gyaat kar sakte hai.
Aayiye issi formula ka use karke questions ko solve karna sikh lete hai.


 Interest Rate calculate karne se related questions :

Ab hum isske kuch example question ko solve karna sikhte hai. Aap bhi ek pen and paper lekar humare saath-saath question ko solve karne ki practice kariye.

#Q-1. Yadi interest ₹50 principal ₹200 aur time 2 years ho to interest rate batayiye.

Solution-: Diya hai: Interest = ₹400, principal = ₹200 aur Time = 2 years
Isliye Rate =     interest×100    
                          principal×time
                     =    50×100   
                            200×2
                     = 12.5
Isliye Rate = 12.5%  Ans.

#Q-2. Yadi saadharan byaaj = ₹50, muldhan = ₹800 aur samay = 1 year ho to varshik byaaj ki dar gyaat kijiye.

Solution-: Diya hai: saadharan byaaj (SI) = ₹50, muldhan (p) = ₹800 aur samay (T) = 1 year
Isliye varshik byaaj ki dar = 
  Saadharan byaaj ×100   
  muldhan × samay
  50×100  
      800×1
= 50/8
= 6.25
Isliye varshik byaaj ki dar = 6.25% Ans.

#Q-3. Yadi 4 years ka muldhan aur saadharan byaaj barabar (equal) ho to byaaj ki dar gyaat kijiye.

Solution-: Suppose karte hai ki, muldhan = p, saadharan byaaj = I aur byaaj ki dar = R . Diya hai : time = 4 years.
Lekin quation ke anusar: P = I
Isliye varshik byaaj ki dar = 
  Saadharan byaaj ×100   
  muldhan × time
R =   P×100 
          P×4
R = 100/4
R = 25
Isliye byaaj ki dar = 25%   Ans.

#Q-4. Annum interest rate kya hoga jab 6 years me amount , principal ka 2 guna hoga.

Solution-: suppose principal = P, Rate = R aur Time = 6 years
Tab SI = P×R×6/100 = 3PR/50
Isliye Amount = P+SI = P+(3PR/50)
                            = P(1+3R/50)
But according to the question,
P(1+3R/50) = 2P 
⇒1+3R/50 = 2
⇒ 3R/50 = 2-1
⇒ 3R/50 = 1
⇒ 3R = 50
⇒ R = 50/3
⇒ R = 16.67
Isliye annum interest Rate = 16.67%     Ans.

#Q-5. Interest rate gyaat kijiye yadi principal ₹1000, time 5 years aur amount ₹1360 ho.

Solution-: Diya hai: P = ₹1000, aur T = 5 years. Suppose karte hai ki, Rate = R , Tab SI = P×R×T/100
                     = 1000×R×5/100
                     = 50R

Amount = P+SI
1360 = 1000+50R
⇒ 50R = 1360-1000
⇒ 50R = 360
⇒ 5R = 36
⇒ R = 36/5 = 7.2
Isliye Interest Rate = 7.2%     Ans.


#Q-6. Varshik byaaj ki dar gyaat kijiye yadi muldhan= ₹500, samay = 2 years aur mishradhan = ₹560 ho.

Solution-: Diya hai: muldhan = 500 aur time = 2 years. Maana varshik byaaj ki dar = R, Tab saadharan byaaj SI = 500×R×2/100
                = 10R
Diya hai mishradhan = 560, isliye
Mishradhan = muldhan+byaaj
⇒ 560 = 500+10R
⇒ 560-500 = 10R
⇒ 60 = 10R
⇒ R = 60/10 = 6
Isliye Varshik byaaj ki dar = 6%   Ans.

#Q-7. Kis varshik byaaj ki dar se 5 years me kisi dhan (rupye) ka mishradhan 3 guna ho jaayega?

Solution-: Suppose karte hai ki muldhan = P, varshik byaaj ki dar = R aur time = 5 years. Isliye saadharan byaaj SI = P×R×5/100
                                    = PR/20
Isliye mishradhan = P+PR/20
                                   = P(1+R/20)
Ab question ke anusar,
P(1+R/20) = 3P 
⇒ 1+R/20 = 3
⇒ R/20 = 3-1
⇒ R/20 = 2
⇒ R = 40
Isliye 40% varshik byaaj ki dar se kisi dhan (rupaye) ka mishradhan 3 guna ho jaayega.

#Q-8. Kis interest rate se 15 years me kisi dhan (money) ka amount 4 guna ho jaayega?

Solution-: Suppose karte hai ki principal = P, interest Rate = R aur time = 15 years. Isliye simple interest SI = P×R×15/100
                    = 3PR/20
Isliye amount = P+3PR/20
                           = P(1+3R/20)
Ab question ke anusar,
P(1+3R/20) = 4P 
⇒ 1+3R/20 = 4
⇒ 3R/20 = 4-1
⇒ 3R/20 = 3
⇒ R = 60/3 = 20
Isliye 20% interest rate se kisi dhan (rupaye) ka amount 4 guna ho jaayega.

#Q-9. Yadi kisi dhan (money) ka interest, ek fixed interest rate se 5 years me uss dhan ka 8/5 ho jata hai to annum rate bataye.

Solution-: suppose karte hai ki, principal = P , Rate = R aur Time = 5 years.
Isliye simple interest (SI) = P×R×5/100
= PR/20

Ab according to the question : interest , principal ka 8/5 hoga isliye-:
⇒ 8p/5 = PR/20
⇒ 8/5 = R/20
⇒ R = 20×8/5
⇒ R = 32
Isliye annum rate = 32%       Ans.

#Q-10. Yadi interest aur principal ka anupat 3 years me 3:8 ho to Interest rate kya hoga? 

Solution-: Suppose karte hai ki principal = P, interest Rate = R aur Interest = I
Isliye I = P×R×3/100 = 3PR/100   .....(i)
Ab question ke anusar:
I:P = 3:8
⇒ I/P = 3/8
I = 3P/8   ........(ii)
Ab (i) aur (ii) ko equal rakhne par:
⇒ 3P/8 = 3PR/100
⇒ 3/8 = 3R/100
⇒ 1/8 = R/100
⇒ 8R = 100
⇒ R = 100/8 = 12.5
Isliye, Interest rate = 12.5%      Ans.


To friend Aaj ke iss part me kewal itana hi . Hum ye ummid karte hai ki, aapko aaj ka topic achhe se samjh aaya hoga. Agar nahi aaya ya koi doubt, problem ya confusion ho to aap comment karke puchh sakte hai ya humare facebook page par massage karke puchh sakte hai. Hum aapki puri help karne ki koshish karenge.
Agar aapko aaj ka topic achha laga to please share kariye. Aapke ek share karne se hume energy milti hai aur hum aur jaada aapki help karne ke liye ready ho jaate hai.

Related part-:

 Simple interest kya hai ? | simple interest formula
 Simple interest ke 10+ word problem question with solution
 Principal calculate karna sikhiye jab interest, Rate aur time diya ho
 Interest rate kaise nikale? jab interest, principle aur time diya ho
Interest rate kaise nikale? jab interest, principle aur time diya ho Interest rate kaise nikale? jab interest, principle aur time diya ho Reviewed by maths tricks on Saturday, July 14, 2018 Rating: 5

Principal calculate karna sikhiye jab interest, Rate aur time diya ho

Monday, July 02, 2018
Hello friend ! Ab tak hum sikh chuke hai ki, simple interest kya hai ? simple interest formula se simple interest ke questions ko kaise solve karte hai ? Agar aapko bhi sikhna hai to humne iss topic ke nichey link diya hai. Aap waha se read karke sikh sakte hai.
To last part me humne aapko simple interest calculate karna sikhaya tha. Aaj hum aapko sikhayenge ki, principle kaise calculate karte hai ? Jab interest, rate aur time diya ho. Hume aksar aise question mil jaate hai jisme hume principal calculate karna hota hai. Iss type ke question me saadharan byaaj, dar, aur time diya hota hai. Jisse hum aashani se principle calculate kar sakte hai.

principal calculate karna sikhiye

Jis prakar se  sadharan byaaj gyaat karne ke liye hume principal, rate aur time maalum hona chahiye.Ussi prakar se principal calculate karne ke liye interest, rate, aur time  jarur maalum hona chahiye. Inn tino ke bina principal calculate karna bahut muskil hota hai. To chaliye aaj ka ye topic start karte hai:

 Principal calculate karna, jab interest, Rate, aur time diya ho

Principle calculate karne ke liye hum simple interest formula ka use karenge. Iss formula se hum principle calculate karne ka formula banayenge. Formula banana bahut easy hai. Aap bhi ek pen and paper lekar humare saath-saath practice kariye. Ab hum step by step aapko batate hai aur aap humko step-by-step follow kariye. Agar koi problem aaye to comment karke puchh lijiye.


 Principle calculate karne ka formula:

 Step-1. Sabse pahle hum simple interest (SI) ka formula lenge. Jo iss prakar se niche diya gaya hai:
SI =   Principl×Rate×time  
                        100

 Step-2. Ab cross multiplication karna hai. Means uppar diye simple interest ke formula ke L.H.S ke "ansh" ka multiply R.H.S ke "Har" se aur R.H.S. ke "ansh" ka multiply L.H.S ke "Har" se karna hai. Jaisa humne niche kiya hai aap dekh sakte hai.
Principle×Rate×time = SI×100

 Step-3. Ab Rate and time ko L.H.S. se R.H.S. me bhejenge. Hum dekh sakte hai ki, L.H.S me Rate×time, principal ke saath multiply sign ke saath hai. Isliye jab hum Rate×time ko R.H.S me bhejenge tab ye SI×100 se divide sign me honge.

Principle =       SI×100     
                        Rate×time

To uppar diya formula hi principal calculate karne ka formula hai.

Kabhi-kabhi question me Rate aur Time nahi diya hota hai. Kewal simple interest (SI) aur mishradhan (A) diya hota hai. Tab principal calculate karne ke liye hum uppar diye formula ka use nahi kar sakte . Isske liye hum nichey diye formula ka use karenge:
Muldhan = Mishradhan - byaaj
Or principal = Amount - interest
Or   P = A - SI

Aayiye Ab hum uppar bataye 2 formula ka use karke kuch question ko solve karna sikh lete hai.

 Principal calculate karne se related questions 

Hum yaha aapko iss type ke 10 question ko solve karna sikhayenge. Aap se request hai ki, aap isski jaada se jaada practice kare . Jaada se jaada question ko solve kare taki aapko koi doubt naa rahe. Koi problem ho to comment karke jarur puche. Hum aapki help karne ki puri koshish karenge.

#Q-1. Yadi Simple interest = ₹1200, Rate = 5% aur time = 10 years ho to principal bataye.

Solution-: Diya hai: SI = ₹1200, R = 5% aur T = 10 years
Principal calculate karne ka formula use karne par:

Principle =       SI×100     
                        Rate×time
                  =   1200×100   
                             5×10
                  = ₹2400
Isliye Principle = ₹2400      Ans.


#Q-2. 4% varshik byaaj ki dar (annual interest rate) se 2 years ka byaaj ₹500 hai to muldhan (principal) gyaat kijiye.

Solution-: Diya hai, R = 4%, T = 2 years, aur SI = ₹500
Ab uppar di gayi sabhi value ko principal calculate formula me rakh kar solve karne par:

Principle =       SI×100     
                        Rate×time
                  =     500×100   
                              4×2
                  = ₹6250
Isliye Principle = ₹6250      Ans.

#Q-3. Muldhan gyaat kijiye jabki varshik byaaj ki dar 2% ,time 1 year aur byaaj ₹100 ho.

Solution-: Diya hai, R = 2%T = 1 year, aur SI = ₹200
Ab principal calculate karne waale formula me sabhi value rakhne par:

Principle =       SI×100     
                        Rate×time
                  =     100×100   
                              2×1
                  = ₹5000
Isliye Principle = ₹5000     Ans.

#Q-4. Mohan ne kuch rupaye bank me 3 years ke liye jama kiya. 3 years ke baad bank ne mohan ko ₹600 byaaj diya. Agar bank 8% varshik byaaj deta ho to Mohan ne bank me kitne rupaye jama kiye the.

Solution-: Question ko dhyaan se read karne par pata chalta hai ki question me principal calculate karna hai. Question me diya hai ki, SI = ₹600, R = 8% aur T = 3 years 
Ab formula me sabhi value rakh kar solve karne par:
Principal     600×100   
                              8×3
                   = ₹2500
Isliye Mohan ne bank me ₹2500 jama kiye.

#Q-5. Rohit ne ek bank se kuch rupaye 4% varshik byaaj ki dar se udhar liye. 2 years baad Rohit ne bank ko ₹40 byaaj diye to batao Rohit ne kitne rupaye udhar liye the.

Solution-: Question me diya hai ki, SI = ₹40, R = 4%, aur T = 2 years
Ab sabhi value formula me rakhkar solve karne par:
Principal =  40×100 
                         4×2
                   = 500
Rohit ne ₹500 udhaar liye.



#Q-6. Yadi byaaj = ₹2000 aur mishrdhan = ₹3100 ho to muldhan batayiye.

Solution-: Iss question me kewal byaaj aur mishrdhan diya hai. Issme time aur Rate nahi diya hai to hum principal calculate karne ke liye nichey diye formula ka use karenge.
Muldhan = Mishrdhan - byaaj   or
Principal = Amount - interest
                   = 3100 - 2000
                   = 100
Isliye , Principal = ₹100       Ans.

#Q-7. Rahim ne apne friend se kuch month pahle kuch rupaye udhar liya tha. Usne apne friend ko ₹1500 dekar udhaar pura chuka diya. Yadi Rahim ne ₹500 byaaj diya ho to batayiye ki, Rahim ne kitne rupaye udhaar liye the.

Solution-: Question me diya hai ki, byaaj = ₹500 aur udhaar chukaya ₹1500. Tab Rahim ne jo udhaar liya hai wahi muldhan hoga. Isliye mishrdhan = ₹1500 aur byaaj = ₹500
Isliye muldhan = mishrdhan - byaaj
                             = 1500-500
                             = 1000
Rahim ne ₹1000 udhaar liye the.

#Q-8. Ek mahajan ne Ramu ko kuch rupye udhaar diye aur bola ki, "mai byaaj sahit ₹5000 lunga." Ramu ne mahajan ko ₹1500 byaaj aur 7 murgiya dekar udhar chukaya. Muldhan aur 1 murgi ka daam batayiye.

Solution-: Diya hai byaaj sahit rupaye mishradhan (A) = ₹5000 aur byaaj (SI) = ₹1500
Isliye Muldhan (P) = A - SI
               P = 5000-1500 = 3500
Muldhan = ₹3500   Ans.
Ramu ne ₹3500 ki jagah par 7 murgiya mahajan ko diya.
7 murgiya = ₹3500
Isliye 1 murgi = 3500/7 = ₹500  Ans.

#Q-9. Ratan ne bank me 9 month tak ek fixed rupaye jama kiye. Bank 4% varsik byaaj ki dar se total ₹1000 Diye to batayiye ki Ratan ne kitna muldhan bank me jama kiya aur har month kitne rupaye bank me diye?

Solution-: Suppose karte hai ki, Ratan ne har month ₹p jama kiye.
Isliye 9 month total jama kiye (muldhan) = 9p 
Diya hai R = 4% aur T = 9 month = 9/12 years
Isliye SI = (9p×4×9/12)/100
               = 27p/100
mishradhan (A) = ₹1000
Isliye Muldhan (P) = A - SI
⇒               9p = 1000 - 27p/100
⇒               9p + 27p/100 = 1000
⇒               (900p+27p)/100 = 1000
⇒                927p/100 = 1000
⇒                927p = 100000
⇒                p = 100000/927
⇒                p = 107.88 (approx.)
Means Ratan ne har month ₹107.88 bank me jama kiye.
Isliye total muldhan = 9p = ₹970.88 Ans.

#Q-10. Yadi Rate , time ka 2 guna ho aur muldhan, time ka 60 guna ho to muldhan gyaat kijiye. Jabki sadharan byaaj ₹150 ho.

Solution-: Suppose karte hai ki muldhan = p 
Ab question ke according ,
⇒ p = T×60 ⇒ T = p/60 ,
⇒ R = 2×T ⇒ 2×p/60 ⇒R = p/30 aur SI =₹150
Ab principal formula me sabhi value rakh kar solve karne par:

Principle =       SI×100     
                        Rate×time
                 p =     150×100   
                        (p/30)×(p/60)
                 p =   150×100   
                           p²/1800
                 p³/1800 =  150×100
                 p³ = 1800×150×100
                 p³ = 27000000
                 p  = 3√27000000
                 p  = 300
Isliye muldhan (p) = ₹300     Ans.


To friend ! Aaj ke iss topic me kewal itana hi. Hume ummid hai ki iss topic se aapko kuch help mili hogi. Agar aap humse kuch puchhna chahte hai to aap humre Facebook page par massage ya nichey diye comment box me comment karke puchh sakte hai. Hum aapki help karne ki puri koshish karenge.
Agar aapko lagta hai ki iss article math topic se kisi aur ki help ho sakti hai to please share kare.

• Simple interest ke 10+ word problem question with solution
• Principal calculate karna sikhiye jab interest, Rate aur time diya ho
Principal calculate karna sikhiye jab interest, Rate aur time diya ho Principal calculate karna sikhiye jab interest, Rate aur time diya ho Reviewed by maths tricks on Monday, July 02, 2018 Rating: 5

BODMAS rule se bracket waale questions solve karna sikhiye

Monday, June 11, 2018
Hello friends !! Aaj hum aapko BODMAS rule se bracket waale questions ko solve karna sikhayenge. BODMAS rule kya hai ? aur BODMAS rule ka use karke simple questions ko kaise solve karte hai ? Ye sab hum aapko part-1 aur part-2 me sikha chuke hai. Agar aapne abhi tak read nahi kiya to humne iss article ke last me dono part ka link diya hai . Aap waha se read kar sakte hai.
Aaj hum aapke request par BODMAS rule part-3 lekar aaye hai. Iss part me hum aapko BODMAS rule ke use se kuch tough questions meas "kathin questions" ko solve karna sikhayenge. Abhi tak humne aapko kewal simple question ko solve karna sikhaya hai. Aapne part-2 me question ko dekha hoga to ye dhyaan diya hoga ki, wo sabhi questions me bracket ka use nahi tha. Means part-2 me sabhi questions without bracket waale the. Aaj hum aapko bracket waale question ko BODMAS rule ka use karke solve karna sikhayenge. Chaliye start karte hai.

BODMAS rule for Bracket questions and solution


BODMAS rule se Bracket waale questions ko solve karna sikhiye

Bracket waale questions ko solve karne se pahle hume Bracket ke baare me kuch jaan lete hai.


 Bracket -:  Bracket ko hindi me kosthak (कोष्ठक) kahte hai. Kosthk ka use karke hum question ko sahi takrke se solve karte hai. Iss ko acche se samjne ke liye nichye diya huaa sentence ko pade.
Sentence-: "5 aur 4 ke yogphal me se 3 multiply kariye."
Uppar diye sentence ko hum without bracket iss prakar se likh lar solve kar sakte.
5+4×3 = 5+12 = 17 me agar hum witIsska use karke hum bade-bade questions ko solve karte hai. Mathematics me Bracket 4 types ke hote hai. Jo iss prakar se niche diya gaya hai:

S.N. Bracket sign Bracket name
1.
  Rekha kosthk (Vinculum)

2.
( )
 Chhota kosthk (Parentheses/Round bracket)
3.
{ }
 Majhla kosthk (Braces/Curly bracket)
4.
[ ]
 Big bracket (Square bracket)


 Bracket ko solve karna : 

Jab kisi question me 1 se jaada bracket ho to bracket niche bataye order se solve karte hai:
Suppose kariye ki, question me sabhi 4 bracket diye ho to:
(1)."一" viniculum (rekha kosthk)-: Agar question me rekha kosthk diya ho to iss ko sabse pahle solve karte hai.
(2). "( )" parentheses / round bracket/ small bracket (chhota kosthk)-: rekha kosthk ke baad chhota kosthk ko solve karte hai.
(3). "{ }" braces/Curly bracket (majhla kosthk)-: Curly bracket ko rekha aur chhota bracket ke baad solve karte hai.
(4). "[ ]" square bracket (bada kosthk ) -: square bracket ko sabse last me solve karte hai.

(i) Agar kisi bracket ke pahle minus "-" ho to bracket hatane par bracket ke andar ke sabhi number ka sign change ho jate hai. Ye change kuch iss prakar se hota hai:
(a) Agar bracket ke andar "+" sign waale number ho to wo "-" me change ho jaate hai.
(b) Agar bracket ke andar  "-" sign waale number ho to wo "+" me change ho jaate hai.
Example: 6-(5-3) iss me chhota bracket "( )" se pahle "-" minus laga hai isliye jab hum bracket ko hatayenge tab bracket ke andar ke number +5 se -5 me aur -3 se 3 me change ho jaayega.
Jaise-: 6-(5-3) = 6-5+3 
(ii) Agar kisi bracket ke pahle "+" (plus) ho to bracket ko hatane par bracket ke andar ke sabhi number ke sign change nahi hote hai.
Example-: 5+{4-3} = 5+4-3

(iii) Agar kisi bracket ke pahle yaa bracket ke baad me koi number diya ho aur uss number aur bracket ke beech me koi sign nahi diya ho to waha par hum multiply "×" ka sign maante hai.
Example-: 4(6-3) = 4×(6-3)

(iv) Kisi bhi bracket ko hatane se pahle uss bracket ke andar likhe numbers ko solve kar lena chaahiye.
Example-: 4-5+(8×4-30) 
                 = 4-5+(32-30)
                 = 4-5+2



Bracket waale 10 questions with full solutions

Ab 10 bracket waale question ko BADMAS rule se solve karna sikhate hai. Hum niche 10 questions ko solve karenge. Aap unn question ko step-by-step samjhe aur khud se bhi practice kare.
                          
#Q-1. 14÷10-3
Solution-:             
            ⇒14÷10-3
            = 14÷7         【solve "line bracket"】
            = 2 Ans.

#Q-2. 5+(6-4)
Solution-:
⇒ 5+(6-4)
= 5+2                   【solve "small bracket"】
= 7 Ans.

#Q-3.  (-7)+{12÷(6-3)}
Solution-: 
⇒(-7)+{12÷(6-3)}【solve "small bracket"】
= (-7)+{12÷3}      【solve "curly bracket"】
= (-7)+4
= -3  Ans.
                                
#Q-4. 6-8(12-7+2)
Solution-: 
                             
⇒ 6-8×(12-7+2)
= 6-8×(12-9)        【solve "line bracket"】
= 6-8×3                【solve "small bracket"】
= 6-24
= -18   Ans.

#Q-5.  12-[2+{13-(14-6)}]
Solution-:
 12-[2+{13-(14-6)}]
= 12-[2+{13-8}   【solve "small bracket"】
= 12-[2+5]          【solve "Curly bracket"】
= 12-7                 【solve "square bracket"】
= 5 Ans.

                                       
#Q-6. (7-2)×[5-{6+8-3}]
Solution-:            
⇒(7-2)×[5-{6+8-3}]
= (7-2)×[5-{6+5}]    【solve "line bracket"】
= 5×[5-{6+5}]        【solve "small bracket】
= 5×[5-11]              【solve "curly bracket"】
=5×(-6)              【solve "square bracket"】
= -30   Ans.

#Q-7. (-2)+(-12)÷4-[(-3)×(-4)-{3-(1-2}]
Solution-:
⇒(-2)+(-12)÷4-[(-3)×(-4)-{3-(1-2)}]
= (-2)+(-3)-[12-{3-(-1)}]
                            【solve "small bracket"】
= (-5)-[12-{3+1}]
                            【solve "small bracket"】
= (-5)-[12-4] 【solve "curly bracket"】
= (-5)-8
= -13 Ans.
                   
#Q-8. (-3){(-8)+(-64)}÷(-4)-(2-4)(-3)
Solution-:
⇒(-3){(-8)+(-64)}÷(-4)-(2-4)(-3)
= (-3){(-8)+(-64)}÷(-4)-(-2)×(-3)
                            【solve "small bracket"】
=(-3){(-8)+(-64)}÷(-4)-6
                            【solve "multiplication"】
=(-3){-8-64}÷(-4)-6
                             【solve "small bracket"】
=(-3)×(-72)÷(-4)-6 【solve "curly bracket"】
=(-3)×(-18)-6
=54-6
=58 Ans.
                                     
#Q-9.  4-[4-{4-(4-4-4)}]
Solution-:         
⇒4-[4-{4-(4-4-4)}]
= 4-[4-{4-(4-0)}]      【solve "line bracket"】= 4-[4-{4-4}]          【solve "small bracket"】
= 4-[4-0]            【solve "square bracket"】
= 4-4
= 0 Ans.
                                    
#Q-10. 12-(-2)(3-2-1)÷2{2+(-2)×(-3)}
Solution-:  
                           
⇒12-(-2)(3-2-1)÷2{2+(-2)×(-3)}
= 12-(-2)(3-1)÷2{2+(-2)×(-3)}
                             【solve "line bracket"】
= 12+2×2÷2{2+6}
                             【solve "small bracket"】
= 12+2×2÷2×8     【solve "curly bracket"】
= 12+2×1×8                   【solve "division"】
= 12+16                【solve "multiplication"】
= 28  Ans.

Aaj ke iss BODMAS rule part-3 me kewal itana hi friends. I hope ki , aapko aaj ka ye part achhe se samjh aaya hoga.
Agar aapko koi problem ya doubt ho to comment karke jarur puche. Hum aapke problem ya doubt ko solve karne ki puri koshish karenge.
Agar aapko ye topic achhe se samjh aaya to please ek share jarur kare.

Hum aapko batade ki humne apne last article Happy Birthday Maths Tricks in Hindi me plan-1 me bataya tha ki, Sunday ko 8am - 9am (on india time) par hum Live Chat start karenge. To humne last Sunday Jun 03 aur June 10 se ye plan start kar diya hai. Next Live Chat Sunday June 17 ko bataye huye time par hoga. Aap ussi time par humse Live chat kar sakte hai.

• BODMAS rule part-1
• BODMAS rule ka use kark 10 question solve karna sikhiye.
BODMAS rule se bracket waale questions solve karna sikhiye BODMAS rule se bracket waale questions solve karna sikhiye Reviewed by maths tricks on Monday, June 11, 2018 Rating: 5

Happy Birthday Maths Tricks in Hindi

Friday, June 01, 2018
Ji haa dosto !! Aaj June 01 ko Maths Tricks in Hindi ka " Happy Birthday " hai. Hume , aapko ye batate huye bahot kushi ho rahi hai ki, Maths Tricks in Hindi ne successful 3 years complete kar liya hai aur isska pura credit aapko jaata hai. Aapke love and support ke karan hi hum ye kar paaye aur hume puri ummeed hai ki aage bhi aapka yahi love and support hume milta rahega.

Happy Birthday "Maths Tricks in Hindi"

Happy birthday Maths Tricks in Hindi

Aaj se thik 3 years pahle June 01,2015  ko humne Maths Tricks in Hindi ko create kiya. Issko create (banane) ka  main maksad (motive)  ye hai ki, hum unn logo ki free me math me help karna chahte hai jo math me kamjor (weak) hai. Jo math to sikhana chahte hai, but unko koi free me sikhana nahi chahata. Isliye humne aapko free me mathematics sikhane ke liye ye blog banaya. Hum iss blog ke help se  hindi me  aapki mathematics me free me help karte hai aur aapki help karte-karte humne 3 years  complete kar liya hai. Jiski hume bahot khushi ho rahi hai.



 Humara future plans : 

3 years complete hone ke baad hum aapki best se best help kar sake aur aapko hum kuch sikha sake isske liye humane aane waale time ke liye kuch plan banaye hai.
Aane wale time me hum apne banaye huye plan ko complete karke iss blog ko better se better banane ki koshish karenge. Jiss se aapko jaada se jaada aur easily help mile. Humare plan kuch iss prakar se hai :

 Plan (1). Live chat start karna : 

 Aaj ke baad hum every Sunday ko morning me time 8:00 am to 9:00 am (on india time) tak aapke saath Live Chat karne ki koshish karenge. Live chat hum issi blog par karenge. Hum issi blog par Sunday ko bataye huye time par online rah kar aapke sath Live chat karenge. Hum ye koshish karenge ki, hum every Sunday ko Live chat kar sake. Lekin agar kisi karan se Live chat nahi ho paaya to isske liye sorry.

 Live chat kaise kare ?

Aap iss blog ke kisi bhi article par comment karke humse Live chat kar sakte hai. Comment karne ke liye aapko comment box me apna comment , name aur mail id fill karke publish karna hoga. Aapke every comment ka hum ussi time reply karne ki koshish karenge . Ye jaruri nahi hai ki , hum aapke har question ka reply kare.

 Live chat start hai ya nahi ? Ye kaise maalum chalega .

I think ab aap soch rahe honge ki, aapko kaise maalum chalega ki , Live chat start hai ya nai ?
Iss ke liye aapko Sunday ko 8:00 am to 9:00 am time par visit karna hoga. Jab aap iss blog par visit karenge to Maths Tricks in Hindi ke logo ke niche likha hoga ki, " Hum abhi online hai. Aap humse Live Chat kar sakte hai."
Tab aap Live chat kar sakte hai. Agar ye likha huaa nahi hoga tab aap humse Live chat nahi kar sakte hai.

 Live chat me kya-kya puchh sakte hai ?

Aap kewal mathematics se related question hi puchh sakte hai. Aap humare bataye math topic ya tricks se related question bhi puchh sakte hai. Aap apne suggestions ya problem bhi hume share kar sakte hai. Hum puri koshish karenge ki aapki problem ko solve kar sake.


 Plan (2). Aap money earn kar sakenge : 

Ji haa dosto aane waale time me hum ek plan laane ki soch rahe hai, jiss se aapki mathematics fast hone ke saath-saath aap kuch money bhi earn kar sakenge.

 Money earn karne ke liye kya karna hoga ? 

Aapko karna shirf itana hai ki , aapko mathematics ke topics se related article likh kar hume send karna hoga aur hum aapke send kiye article ko aapko credit dete huye iss blog par publish karenge. Aapke iss article ke pageviews ke anusaar aapko hum paise denge.

 Paise kab , kaise aur kitne milenge ?

Aapke article ke pageviews aur popularity ke hissab se aapko paisa ek fixed date tak aapke bank account me send kiye jaayenge

【Note: Plan(2) par abhi hum vichaar kar rahe hai . Ye start hoga ya nahi ? Isska decision aapko karna hai. Aap comment karke apna jawaab bataye ki "aap iss me intrested hai." Agar aapka response achha raha to isske baare me details me article ki help se aapko batayenge.】

 Plan (3). Video publish karna : 

Hum kosish karenge ki apne har article me kam-se-kam ek You tube video add kare. Jiss se aapko wo article aur achhey se samjh aaye. Agar aapne abhi tak humare You tube channel ko subscribe nahi kiya to subscribe jarur kar lijiye aur bell icon ko jarur press (dabaye) kare. Taki jab bhi hum koi new video upload kare to aapko notification sabse pahle mil jaaye.
Humara You tube channel yaha hai: Maths Tricks in Hindi Channel

 Plan (4). Inn topics par article publish kiya jaayega : 

Aane waale time me hum nichey diye topics par article aapke saath share karne ki koshish karenge:
(i) BODMAS
(ii) Simple interest
(iii) Compound interest
(iv) Percentage
(v) Ratio and proportion
(vi) Average
(vii) Problem on Age
(viii) Speed , distance and time
(ix) Profit and loss
(x) Number series
(xi) Number system
(xii) Mensuration
(xiii) Time and work
(xiv) Trigonometry
(xv) Geometry
(xvi) Algebra

Agar aap koi aur topic/topics ke baare sikhna chahate hai to comment karke bataye. Hum aapke topic ko bhi issme add kar denge.


 Plan (5). Iss blog ko website me convert karna :

Ho sake to aane waale time me hum iss blog ko website me convert kare. Jab hum website me convert karenge to iss blog ka url mathstricks12.blogspot.com ko short karenge. Jiss se aapko humare url ko yaad rakhna easy ho jaayega. Isske saath aapko fast loading bhi milega. Means loading time fast hoga.

To ye the humare kuch plan jisko hum complete karne ki koshish karenge. Kya aapko lagta hai kuch plan aur hone chahiye ? to wo plan comment karke bataye. Hum usko bhi iss me add karne ki koshish karenge.
Aap apna love and support hume aise hi dete rahe aur hum aapki help karte rahenge.

 At last word : 

Aaj "Maths Tricks in Hindi" ka Birthday hai. Isliye Agar aap "Maths Tricks in Hindi" ko koi Gift dena chahte hai. To kewal iss article ko apne friends, family members rishtedaar har kisi ke saath Share kare. Aapke ek Share se bada humare liye koi dusra Gift nahi ho sakta. To kam se kam ek Share to jarur kar dijiye.
Aapke love and support ke liye aapko Thanks!!

Thanks for reading !!
Happy Birthday Maths Tricks in Hindi Happy Birthday Maths Tricks in Hindi Reviewed by maths tricks on Friday, June 01, 2018 Rating: 5

Simple interest ke 10+ word problem question with solution

Friday, May 25, 2018
Apne last article me humne , aapko simple interest kya hai ? aur simple interest ka formula kya hota hai ? ke baare me full details me bataya tha. Agar aap ne issko nahi read kiya to humne sabse nichey iss ka link diya hai. Aap waha se read kar sakte hai.
Aaj hum simple interest topic ko aur aage badate huye aaj aapko simple interest ke 12 word problem question ko solve karna sikhayenge.
Simple interest word problem with solution
Aaj hum aapko batayenge ki, "kaise simple interest ke questions ko formula ki help se solve karte hai ? "
Agar aapko iss type ke question ko solve karne me problem hoti hai ya aapko bilkul bhi nahi samjh aata to aaj hum aapko full details me aur step-by-step iss type ke question ko solve karna sikhayenge. Aap bahot hi dhayaan se samjhe aur khud se practice kare . I'm sure aap jarur issme perfect ho jaayenge.



 Simple interest ke 10+ word problem question with solution : 

Simple interest ya saadharan byaaj ko calculate karne ke kai method hai. Lekin aaj hum saadharan byaaj calculate karne ke liye saadharan byaaj ka formula use karenge. Isske formula ka use karne se saadharan byaaj aashani aur jaldi se calculate kiya jaa sakta hai. Isska formula hum pahle hi bata chuke hai. Ek baar phir se hum bata dete hai. Aap iss formula ko jarur yaad rakhiye.

 Simple interest ka formula : 

Hum jaante hai ki, yadi principal (P) , Rate (R) aur Time (T) ho to simple interest (SI) :
To yahi hai saadharan byaaj ka formula. Ab hum isska use karna sikh lete hai.

 Simple interest ke formula se word problem kaise solve karte hai ? 

Ab hum aapko step-by-step question ko solve karna sikhate hai:
(1). Sabse pahle question ko dhyaan se pade aur samjhe.
(2). Question ko padate time ye maalum karne ki koshish kare ki, question me kya-kya diya hai ? 
Jaise-: kya question me interest ya principal ya rate ya time diya hai ?
(3). Question ko padate time ye bhi jarur maalum kare ki, question me kiski value nikalani ya calculate karni hai ?
Jaise-: Kya question me simple interest calculate karna hai ? , principal ki value calculate karna hai ? Ya Rate ki, ya phir time calculate karna hai ?
[ Note: Aaj hum aapko jo 10+ question ko solve karna sikhane waale hai unn sabhi question me kewal simple interest calculate karna hai. Baki sabhi value (principal, rate aur time) ko calculate karna hum aane waale next part me aapko sikhayenge ]
(4). Jab aapko maalum jo jaaye ki, kya-kya diya hai? aur kiski value nikalani hai? Phir aap sabhi diye value ko direct formula me rakh kar jiski value nikalani hai wo aap nikal sakte hai.


 Kuch important baatein : 

Iss topic ke questions ko solve karte time hume kuch important batao ka dhyaan rakhana chahiye. Aapko bhi hum suggest karenge ki, jab bhi aap iss topic ke question ko solve kare to inn batao ka jarur dhyaan rakhe . Wo important baatein iss prakar se hai:
(1). Kabhi-kabhi Simple interest ke question me Rate , annual (varshik) me nahi hota hai. Jaise kabhi-kabhi rate ,, " chhamahi (छमाही)" ya " ardhvaasik (अर्द्धवासिक)" aur "trimahi (त्रिमाही)" me diya hota hai.
(2). Rate jab "chhamahi" ya "ardhvaasik" me ho to iska matalab ye hota hai ki, Rate har 6 month ke liye hai.
(3). Jab rate "ardhvaasik" ya "chhamahi" me ho to time ko bhi isske anussar change karenge.
Jaise-: yadi Rate (R) = 4% chhamahi ho aur Time (T) = 3 years ho to 3 years ko chhamahi me change karna hoga.
Hum jaante hai ki, 1 year me 6 month = 2
Isliye 3 years me 6 month = 2×3 = 6
Isliye time (T) = 3 years = 6 use karenge.
(4). Jab rate " trimaahi" me diya ho to iska matalab ye hai ki, Rate har 3 month ke liye hai.
(5). Jab Rate "trimaahi" me diya ho to time ko bhi trimaahi me change karenge.
Jaise-: Rate (R) = 5% trimaahi ho aur Time (T) = 4 years.
Rate trimaahi hai aur time 4 years hai isliye 4 years ko trimaahi me change karenge.
1 year me 3 month = 4
4 years me 3 month = 4×3 = 12
Chaliye Ab isske questions ko solve karna sikhte hai:

 Simple interest ke 10 word problem question with solution : 


#Q-1. ₹300 ka 4% varshik (annual) byaaj (interest) ki dar (rate) se 5 years ka byaaj kya hoga?

Solution-: Question me diya hai: Principal (P) = ₹300 , Rate (R) = 4% aur time (T) = 5 year
Ab sadharan byaaj ke formula me sabhi value rakhne par:
SI = (P×R×T)/100
SI = (300×4×5)/100
     = 60
Isliye ₹300 par 4% ki byaaj dar se 5 years ka sadharan byaaj ₹60 hoga. Answer.

#Q-2. ₹500, 3 years ke liye 6% vaarshik (annual) byaaj (interest) ki dar (rate) se udhaar diya gaya. Byaaj (interest) gyaat kijiye?

Solution-: Diya hai: Principal (P) = ₹500 , Rate (R) = 6% aur time (T) = 3 years.
Ab sadharan byaaj ke formula me sabhi value rakhne par:
SI = (P×R×T)/100
SI = (500×6×3)/100
     = 90
Isliye ₹500 par 6% ki byaaj dar se 3 years ka sadharan byaaj ₹90 hoga. Answer.

#Q-3. Mohan ne cycle kharidane ke liye bank se ₹15000, 4% annual interest rate se udhaar liya aur 3 years me pura udhaar chuka diya. Mohan ne kitna byaaj diya?

Solution-: Diya hai: Principal (P) = ₹15000 , Rate (R) = 4% aur time (T) = 3 years.
Ab sadharan byaaj ke formula me sabhi value rakhne par:
SI = (P×R×T)/100
SI = (15000×4×3)/100
     = 1800
Isliye Mohan ₹15000 par 4% ki byaaj dar se 3 years ka ₹1800 byaaj diya. Answer.

#Q-4. ₹730 ka 5% ki annual rate se 2 years ka byaaj (interest) aur mishrdhan (amount) bataye.

Solution-: Diya hai: principal (P) = ₹730, Rate (R) = 5% aur time (T) = 2 years.
Isliye simple interest = (P×R×T)/100
= (730×5×2)/100
= 73
Byaaj = ₹73
Ab mishrdhan (amount) nikalate hai. Mishrdhan (A) = Principal + Interest
Mishrdhan (A) = ₹730+₹73
                              = ₹803   Answer

#Q-5. Ram ne shyaam se ₹3000 , 7% annual interest rate se 2 years ke liya udhaar liya. Ram ne kitana interest diya ? Ye bhi bataye ki Ram ne shyaam ko total kitne rupye diye?

Solution-: Diya hai: Ram ne shyam se ₹3000 udhaar liya isliye principal (P) = ₹3000 aur interest rate (R) = 7% , time (T) = 2 years ke liye.
Ab hume ye maalum karna hai ki, Ram ne kitana interest diya ?
To iske liye hum simple interest ka formula use karenge.
SI = (P×R×T)/100
SI = (3000×7×2)/100
     = 420
Ram ne ₹420 interest diya.

Ab hume ye maalum karna hai ki , Ram ne total kitne rupaye diye ?
Ram ne diye total rupaye
 = Udhaar + interest
 = ₹3000 + 420
 = ₹3420   Answer.


#Q-6. Sima ne bank me ₹5000 , 2 years ke liye jama kiya. Yadi bank 5% annual interest rate deta ho to Sima ko 2 years ke baad total kitne rupye milenge?

Solution-: Diya hai: Principal (P) = ₹5000, Rate (R) = 5% aur time (T) = 2 years.
Isliye byaaj = (5000×5×2)/100
                      = 500
Sima ko 2 years ke baad total rupye milenge = principal+byaaj
                = 5000+500
                = ₹5500

#Q-7. ₹320 ka 3% chhahmahi (6 months) byaaj ki dar (rate) se 7 years ka byaaj bataye.

Solution-: Diya hai: Principal (P) = ₹320 , Rate (R) = 3% aur Time = 7 years.
Yaha ye dhyaan dijiye ki, Rate 3% , 6 month ke liye hai isliye hume ye maalum karna hoga ki , 7 years me kitane 6 month hote hai ?
1 year me 6 month = 2
7 years me 6 month = 2×7 = 14
Isliye Time (T) = 7 years = 14
Ab byaaj = (P×R×T)/100
                  = (320×3×14)/100
                  = 134.4  Answer.

#Q-8. Yadi Hassan ne ₹3500 bank me 4 years ke liye jama kiya aur bank 6% chhahmahi (6 month) interest rate deta ho to 4 year ke baad Hassan ko kitna byaaj milega ?

Solution-: Principal (P) = ₹3500 , Rate (R) = 6% aur Time = 4 years.
Yaha ye dhyaan dijiye ki Rate 6% , 6 month ke liye hai. Isliye hume ye maalum karna hoga ki, 4 years me kitane 6 month hote hai ?
hum jaante hai ki, 1 year me 6 month = 2
Isliye 4 years me 6 month = 2×4 = 8
Isliye Time (T) = 4 years = 8
Ab interest = (P×R×T)/100
                       = (3500×6×8)/100
                       = ₹1680   Answer.

#Q-9. Rahim ne ₹10000 bank me 4 years ke liye jama kiya. Bank 4% ardhvarshik (6 months) byaaj ki dar se byaaj deta hai to Rahim ko 4 years ke baad total kitne rupye milenge.

Solution-: Diya hai: principal (P) = ₹10000 , Rate (R) = 4% aur Time = 4 years.
Yaha ye dhyaan dijiye ki, Rate = 4% ,6 month ke liye hai aur hume 4 years ka interest calculate karna hoga. Isliye hume ye maalum karna hoga ki 4 years me kitane 6 month hote hai .
1 year = 2 (6 month)
4 years = 4×2 (6 month) = 8

Ab hum Time (T) = 4 = 8 lenge.
Simple interest ke formula me sabhi value rakhne par:
SI = (P×R×T)/100
     = (10000×4×8)/100
     = 3200
Rahim ko 4 years ke baad total = ₹(10000+3200) = ₹13200 milenge.  Answer.

#Q-10. ₹6230 ka 10% trimaahi Byaaj ki dar (Rate) se 1 year ka Byaaj gyaat kijiye.

Solution-: Principal (P) = ₹6230, Rate (R) = 10% aur time (T) = 1 year.
Yaha Rate trimaahi hai matalab 10% har 3 month ke liye hai isliye time (T) = 1 years ko trimaahi me change karenge.
Hum jaante hai ki, 1 year me 3 month = 4
Isliye time (T) = 1 year = 4
Isliye Byaaj = (P×R×T)/100
                       = (6230×10×4)/100
                       = 2492
Isliye Byaaj = ₹2492       Answer.

#Q-11. Harish ne ek mahaajan se ₹20000 kheti karne ke liye udhaar liya. Mahaajan ne 4% trimaahi (3 months) byaaj par 5 years ke liye udhaar diya. Harish ne 5 years pura hone par total kitane rupye mahaajan ko diya?

Solution-: Principal (P) = ₹20000, Rate (R) =4% aur Time (T) = 5 years.
Yaha ye dhyaan dijiye ki, Rate (R) = 4%, 3 month par hai isliye hume ye maalum karna hoga ki, 5 years me kitne 3 month hote hai?
1 year me 3 month = 4
Isliye 5 years me 3 month = 4×5 = 20
Isliye Time (T) = 5 years = 20
Byaaj = (20000×4×20)/100
            = 16000
Harish 5 years pura hone par total rupye dega = udhaar + Byaaj
= 20000+16000
= 36000
Harish 5 years pura hone par ₹36000 dega.

#Q-12. Ashraf ne 15% varshik byaaj ki dar se ₹3500 udhaar liya. Usne 5/2 years ke baad ₹2000 aur ek refrigerator dekar udhaar chuka diya. Refrigerator ka mulya (daam) bataye.

Solution-: Diya hai: Principal (P) = ₹3500 , Rate (R) = 15% aur time (T) = 5/2 years.
To Ashraf ne diya byaaj =
(P×R×T)/100
= (3500×15×5/2)/100
= 1312.5
Matlab Ashraf ko ₹1312.5 byaaj dena hai.
Ashraf ko total rupaye dena hai -:
Udhaar + byaaj = 3500+1312.5
                             = 4812.5
Matlab ye huaa ki, Ashraf ko total ₹4812.5 dena hai . Lekin usne ₹2000 aur ek refrigerator diya.
Isliye refrigerator ka daam = ₹2000 dene ke baad bache rupaye
= 4812.5 - 2000
= 2812.5
Isliye refrigerator ka mulya (daam) = ₹2812.5    Answer.

I hope ki , ab aap simple interest ke word problem ke questions ko solve karna sikh gaye honge. Agar aapko phir bhi koi doubt ya problem ho to aap humare Facebook page par massage ya issi article ke nichey diye comment box se comment karke puchh sakte hai. Hum aapki puri help karne ki koshish karenge.
Agar aapko aaj ka topic achha laga to please only one share jarur kariye. Aapke ek share karne se hume aur better karne ki power milti hai to please share jarur kariye.

Also read-:
• Simple interest kya hai ? | simple interest formula
• Simple interest ke 10+ word problem question with solution
• Principal calculate karna sikhiye jab interest, Rate aur time diya ho
Simple interest ke 10+ word problem question with solution Simple interest ke 10+ word problem question with solution Reviewed by maths tricks on Friday, May 25, 2018 Rating: 5

Simple interest kya hai ? | simple interest formula

Sunday, May 13, 2018
Namskar dosto !! Aaj hum aapko ek very important math topic " Simple interest " ke baare me batane waale hai. Ye topic ek bahot hi jaada important topic hai. Aaj hum full detail me shikhayenge ki, simple interest kya hai ? simple interest formula kya hai ?
Agar aap kisi competitive exam ki preparation ( taiyaari ) kar rahe ho to ye article aapke liye very helpfull ho sakta hai kyuki simple interest se direct ya indirect 4-6 questions all competitive exam me jarur puchhe jaate hai aur agar aapko inn exam ko crack karna hai to aapko iss topic ke questions ko solve karne jarur aana chahiye.
Simple interest kya hai
Aaj hum simple interest me jis-jis topics ke baare me jaanege wo iss prakar se nichey diya gaya hai:

1. Interest-: sabse pahle hum interest ki baat karenge ki ye kya hota ?
2. Types of interest-: Issme hum jaanege ki, interest ke kitne prakar (type) hote hai.
3. Simple interest-: Iss me hum jaanege ki, simple interest kya hota hai?
4. Simple interest formula-: Isska formula hum iss me batayenge.
To chaliye basic se start karte hai.

Simple interest kya hai ? |Simple interest formula



1. Interest-: interest, jisko hindi me " byaaj ( ब्याज ) " kahte hai. ''Byaaj kya hota hai ?" Aayiye issko deeply samjhte hai. Hum sabhi ki life bina udhaar ( borrow ) liye ya diye chalana thoda difficult hota hai. Jaise -: • Aapko koi jaruri chij karidani ho aur aapki pocket money khatam ho gayi ho to aap apne friend se paise udhaar maangte hai.

• Aapko koi bahot jaada mahangi ( costly price ) chij karidani hai . Jaise car, bike, flat etc. Jo aapke budget se baahar ho to hum iske liye bank se loan lete hai ya kisi mahaajan (rich people) se paise udhaar lete hai.
Matalab ye huaa ki, hum bank ya kisi mahaajan (rich people) se udhaar lete hai.
Ab baat aati hai ki, koi bank ya mahaajan (rich people) hume udhaar kyu denge ?
To isska answer hai, profit ke liye. Jo bhi hume udhaar deta hai to wo udhaar dene ke liye humare saamane apni kuch niyam (rule) ya sharat (terms) rakhta hai. Iss niyam (rule) ya sharat (terms) ke anusaar jo udhaar deta hai wo, udhaar lene wale se yearly ya monthly rate se per ₹100 par kuch rupaye adhik leta hai.

Aayiye issko ek example se samjhte hai:
Example-1. Rahul ne ek bank se ₹2000 par 4% yearly rate par 4 year ke liye udhaar liya. Rahul ko 4 year ke baad bank ko total kitne rupaye dene honge.

Solution-: Iss example me Rahul ne bank se ₹2000 udhaar liye. Bank ne Rahul ke saamane sharat rakha ki, usko per year, per ₹100 par ₹4 adhik dena hoga.
Means, 1st year ke liye -:
₹100 par = ₹4 adhik dena hoga
₹1000 par = ₹40 adhik
₹ 2000 par = ₹80 adhik

Means , 1st year Rahul ko ₹80 adhik dena hoga.
1st year = ₹80 adhik
4th year = ₹80×4 = ₹320 adhik

Matalab ye huaa ki 4 years ke baad ₹2000 par 4% per year rate se Rahul ko total = ₹2000+₹320 = ₹2320 dena hoga.

Ab aap sochiye ki, bank ne Rahul ko udhaar kyu diya ?
"Yes aap bilkul sahi hai." Adhik rupaye paane ke liye. Iss se hume ye maalum chala ki, udhaar dene waale (bank ya mahaajan) se agar hum udhaar lete hai to hume kuch adhik rupaye dena hoga. Jitana adhik rupaya dena hoga wahi "interest (ब्याज)" kahalata hai.
Jaise-: Example-1 me Rahul ko ₹2000 par 4 year ke baad total ₹2320 dene huye. Means , Rahul ne ₹320 adhik diye. Yahi ₹320 , ₹2000 par 4% ki rate per year ka 4 year "interest" hai.

Interest (byaaj) se related kuch important point -:

(i) Principal (P) -: principal amount ko hindi " muldhan (मूलधन)" kahte hai.  "Jitana amount ya rupaye hum udhaar lete hai ya phir kisi ko udhaar dete jai. Wo amount ya rupaye principal kahlate hai. Issko "P" se denote karte hai.
Jaise-: Example-1 me Rahul ne bank se ₹2000 udhaar liya. Isliye principal (P) = ₹2000

(ii) Rate of interest (R) -: Rate of interest ko hindi me "byaaj ki dar (ब्याज की दर)" kahte hai.  Principal (muldhan) par jitane percent (%) ka interest lagaya jaata hai, wo percent hi Rate of interest kahlata hai. Issko "R" se denote karte hai.
Jaise-: Example-1 me Rahul ko principal (P) = ₹2000 par 4% ka interest lagaya gaya hai isliye Rate of interest (R) = 4%

(iii) Time (T) -:  "wo total time jisme udhaar aur byaaj sahit puri amount chuka diya gaya ho .  Jaise-: Example-1. Me Rahul ko udhaar chukane ke liye bank ne 4 years ka time diya. Isliye Time (T) = 4 years.

(iv) Total amount (A)-: Total amount ko hindi me "mishrdhan (मिश्रधन)" kahte hai.  Principal amount aur interest ke yogphal ko "mishrdhan (मूलधन) kahte hai. Means ,
   Amount = Principal + interest
Or,           A = P + I

(2). Types of interest-: (byaaj ke prakar) interest ke 2 types hote hai:
(i) Simple interest
(ii) Compound interest 

Aaj hum kewal Simple interest ke baare me jaanenge. Compound interest ko hum next part me jaanenge.


(3). Simple interest-:

Simple interest ko hindi " sadharan byaaj ( साधारण ब्याज )" kahte hai. " Jo interest kewal principal amount (muldhan) par lagaya jaata hai simple interest kahalata hai. "
Jaise -: Example-1. me simple interest lagaya gaya hai.

(4). Simple interest formula-:

sadharan byaaj calculate karne ke liye ek formula hai. Jo iss prakar se nichey diya hai:
Simple interest formula

Aaj ke iss math topic me bas itana hi friend !! I hope ko aapko aaj ka topic Simple interest kya hai ? | Simple interest formula achhe se samjh aaya hoga. Next part me hum iss se related word problem ko solve karna sikhenge. Agar aapko aaj ke topic ke kisi bhi point par problem ho rahi ho ya nahi samjh aa raha ho to aap humare facebook page par massage karke humse puchh sakte ho. Aap nichey diye comment box ki help se comment karke bhi apna question puchh sakte ho. Hum aapki puri help karne ki koshish karenge.
Agar aapko lagta hai ki, humara ye article kisi aur ke liye helpfull ho sakta hai to please only one share karke humari help kariye.

Also read-:

• Simple interest kya hai ? | simple interest formula
• Simple interest ke 10+ word problem question with solution
• Principal calculate karna sikhiye jab interest, Rate aur time diya ho
Simple interest kya hai ? | simple interest formula Simple interest kya hai ? | simple interest formula Reviewed by maths tricks on Sunday, May 13, 2018 Rating: 5
Powered by Blogger.