Base method multiplication shortcut trick

Hello friend !! Aaj hum baat karenge base method multiplication shortcut trick ki. Ye base method multiplication trick kya hai ? Iss trick ka use kab, kaha aur kaise karte hai ? Iska jawab hum abhi dete hai. Lekin uss se pahle hum thoda multiplication par baat kar lete hai.

Hum aur aap multiplication ke baare me jaante hai. Hum sabhi 2-digit, 3-digit, 4-digit, ... ke numbers ka multiply general method se karte hai. General method se jab hum multiply karte hai to iss me hume problem kya aati hai ki, iss general method se multiply karne me time aur mehnat dono bahut jaada lagta hai. Saath hi saath agar hume 10-15 multiplication ke questions solve karne ho to hume boring bhi hone lagta hai.

Aur aap to jaante hi honge ki , aaj kal competition ka trends hai. Aap koi bhi competitive exam attempt karo to uss me aap jaante hi honge ki , multiplication ke questions directly ya indirectly to jarur hote hai. Inn exam ke question ko aapko fast to fast and correctly solve karna padta hai.
Tab hum sochte hai ki, kya koi aisa method hai jisase multiplication karna fast and easy ho jaaye ?
Kya koi aisa multiplication shortcut trick hai jisase multiplication ke questions 10 seconds me solve ho jaaye?
"Ji haa dosto hai ." Aaj hum aapko yahi batane waale ki, kaise aap base method multiplication shortcut trick ka use karke aap apne multiplication ko fast and easy bana sakte ho ? Agar aapko apne multiplication ko fast banana hai to iss method ko completely read karte rahiye.

Base method multiplication shortcut trick

Aayiye ab iss method ko ek-dam acchey se sikh lete hai.Sabse pahle hum base ki baat karte hai. Base ka matalab kisi number ke base se hai. Chaliye iss ko deeply samjhte hai.

Sabse pahley hum ye jaante hai ki,

Kisi number ka base number kya hota hai?

  Base number -: Base number ki koi fix defination nahi hai. Phir bhi normally agar hum kahe ki , Koi number (x) 10, 100, 1000,... ke jitana adhik close hoga . Means jitana adhik paas me hoga. Wahi (10, 100, 1000, ... me se koi ek number) hi uss number (x) ka base number hota hai.
For example-: Suppose kariye humne ek number 9 liya . Number 9 ka hume base number maalum karna hai. Hum dekh sakte hai ki 9 , 10 ke close means paas hai . Isliye 9 ka base number 10 hai. Issi prakar 99, 98, 97, 92 ka base number = 100.
Issi prakar se 991, 988, 999, ke base number 1000 hai.
Ab yaaha hum ye batana chahte hai ki, ye jaruri nahi hai ki humesha base number 10, 100, 1000, .... hi ho. Aise bahut se number hai jinka base number different hota hai.
Jaise-: 42, 45, 48, 49 ka base number = 50
Kuch number ke base number aap niche diye table me dekh sakte hai:

Ab aap kisi number ke base number ke baare me jaan chuke hai to ab hum kah sakte hai ki, " kisi number ke base number ki help se multiplication question ko fast and easy multiply karne ki technique ko Base method multiplication shortcut trick kahte hai.

Also read-:
• Quadratic polynomial ko binomial se fast and easily divide kaise karte hai ?
• Factoring of quadratic expression - 2

Iss trick ka use kab karte hai ? 

Iss method ka use hum tab karenge jab multiplication ke question me jin number ka multiply karna hai unn number me se dono number ya dono me se koi ek number ka koi ek fix base number ho. Jab base number hoga tab aashani se iss method ka use karke multiplication ko fast calculate kar sakte hai.

Iss method ka use kaise karte hai?

Iss method ka use karna hum aapko next post me details me sikhayenge. Apne next post me hum aapko batayenge ki, jis number ka base 100 ho unn number ka fast to fast multiply kaise karte hai ? 

I hope ki , aapko aaj ka base method multiplication shortcut trick achhe se samjh aaya hoga.
Agar iss method ko samjhne me aapko kisi bhi jagah par koi bhi problem ho rahi ho to aap humare Facebook page par massage ya niche diye comment box ki help se comment karke puchh sakte hai.
Iss post ko apne sabhi friends ke saath share kare.

Also read-:
• Trigonometric ratios of 30 degree
• How to fast multiply 2-digit number by 99